Балдарды коргоонун эл аралык күнүнө карата кайрымдуулук жардам
10.06.2022
«Айыл Банк» ААКсы корпоративдик социалдык жоопкерчиликтин алкагында калкка кайрымдуулук жардамын үзгүлтүксүз көрсөтүп келет.
Быйыл Балдарды коргоонун эл аралык күнүндө Банктын атынан Беловодсктогу Балдардын психоневрологиялык мекемесине подгузниктер жана балдардын тамак-ашы берилди.
Банктын аймактык бөлүмдөрү аркылуу ден соолугунун мүмкүнчүлүгү чектелген балдарга, жетим балдарга жана аз камсыз болгон үй-бүлөлөрдүн балдарына материалдык жардам көрсөтүлдү.
Мектеп-интернаттарга жана балдар үйлөрүнө канцелярдык товарлар, спорттук шаймандар жана кийим-кечелер түрүндө колдоо көрсөтүлдү.
«Айыл Банк» Кыргызстандын бардык облустарында кайрымдуулук жардамын көрсөттү.
