«Айыл Банк» ААК менен «Mashreq Bank» эки тараптуу кызматташуу маселелерин талкуулашты

Бүгүн, 2-майда «Айыл Банк» ААК менен «Mashreq Bank» эки тараптуу кызматташуу маселелерин талкуулашты.
⠀
Жолугушуунун жүрүшүндө тараптар узак мөөнөттүү өнөктөштүк мамилелерди өнүктүрүү жана биргелешкен долбоорлорду ишке ашыруу, анын ичинде корреспонденттик мамилелерди орнотуу мүмкүнчүлүктөрүн да карап чыгышты.
⠀
"Айыл Банк" ААК атынан куттуктоо сөзүн башкармалыктын төрагасы Тилек Алимжанов сүйлөдү.
⠀
Анын айтымында, эки тараптуу кызматташтык эки өлкөнүн банктарынын ортосунда жаңы перспективаларды ачууга мүмкүнчүлүк берет.
⠀
Эки тараптуу жолугушууга Mashreq Банктын атынан Аткаруучу вице-президент Aziz Аtа, вице-президент Aleksei Ustinov жана улук вице-президент Andreas Meletiou катышты.
⠀
«Mashreq Bank» өкүлдөрү өз кезегинде Кыргызстандагы эң ири банктарынын бири менен мамиле түзүүнүн маанилүүлүгүн белгилеп, кызматташууга даяр экендиктерин билдиришти.
⠀
Белгилей кетсек, Mashreq Bank БАЭдеги 1967 — жылы түзүлгөн Жакынкы Чыгыштагы эң эски банк мекемелеринин бири. Бүгүнкү күндө бул өндүрүштөрдүн жана кызматтардын кеңири спектрин сунуш кылган универсалдуу банк болуп саналат жана 5 негизги чөйрөдө топтолгон кирешенин ар түрдүү булактарына ээ: коммерциялык жана инвестициялык банкинг; жеке банкинг; казына жана капитал рыноктору; шарият принциптерине ылайык келген эл аралык банктык кызматтар. Банктын 9 өлкөдө, анын ичинде Европа, АКШ, Азия жана Африкада 12 чет өлкөлүк өкүлчүлүгү бар.