5-февралдан баштап Ибраимов көчөсү 108 - дареги боюнча Кардарларды тейлөө борбору иштеп баштайт

Бул узартылган тартипте иштеген  “Кардарларды тейлөө борбору” статусу менен касса 2018-жылдын 5-февралынан баштап ишин баштайт. Операциялык ишмердүүлүктөн тышкары, бул касса кредиттерди алууга табыштамаларды кабыл алуу боюнча жана карт-эсептерди ачуу боюнча ишти жүргүзөт.

Сактык кассага төмөнкү банк кызматтарын көрсөтүүгө укук берилген:

жеке жактарды тейлөө боюнча:

• депозиттик келишимге ылайык жеке жактардан депозиттерди кабыл алуу;
• бюджетке төлөмдөрдү кабыл алуу жана көрсөтүлгөн кызматтар үчүн төлөмдөрдү кабыл алуу;
•  пенсияларды жана пособияларды берүү;
• мамлекеттик баалуу кагаздарды сатып алуу жана сатуу;
• накталай чет өлкө валютасы менен алмашуу операцияларын жүргүзүү;
• банктык төлөм карталары боюнча операцияларды жүргүзүү;
• жеке жактар үчүн акча которууларды жүргүзүү;
• алган насыяларды төлөп берүү үчүн банктын кардарларынан төлөмдөрдү кабыл алуу;
• Банктын Башкы кеңсесинде же филиалдарында бекитилген насыялар боюнча акча каражаттарды берүү;
• электрондук акчалар менен операцияларды жүргүзүү;

юридикалык жактарды жана  юридикалык жакты түзбөгөн жеке ишкерлерди эсепти ачпастан төмөнкү операциялар боюнча тейлөө:

• Кыргыз Республикасынын бюджетине накта акча каражаттарды  кабыл алуу;
• коммуналдык кызматтар үчүн төлөмдөрдү кабыл алуу;
• тиешелүү документтер бар болгон учурда Банктын башкы кеңсесинин жана филиалдардын кардарларына эсептешме-кассалык тейлөө кызматтарын көрсөтүү;
• электрондук акчалар менен операцияларды жүргүзүү;
• Банктын ишинин бардык маселелери боюнча консультациялык кызматтарды көрсөтүү.