14–17-февралда пландалган техникалык иштер жөнүндө маалымат

«Айыл Банк» ААК банктык кызмат көрсөтүүлөрдүн сапатын жогорулатуу жана системаларды модернизациялоо максатында пландалган техникалык иштер жүргүзүлө тургандыгын маалымдайт.

14-февралдан 17-февралга чейин Банктын бөлүмдөрүндө банктык карталарды тейлөө убактылуу жеткиликсиз болот. Чектөөлөр Банктын бардык түзүмдүк бөлүмдөрүндөгү кассалар жана операциялык терезелер аркылуу жүргүзүлүүчү операцияларга тиешелүү.

Убактылуу жеткиликсиз боло турган операциялар:

• касса аркылуу банктык карталарды накталай толуктоо жана накталай акча алуу;
• кеңселерде карталар боюнча накталай эмес операцияларды жүргүзүү;
• клиринг, гросс жана SWIFT системалары аркылуу банктык карталарды толуктоо;
• эмгек акыны жана пенсияларды эсепке чегерүү;
• банктык карталарды ачуу жана карталар боюнча башка нефинансылык операциялар.

Соода жана тейлөө ишканалары үчүн маалымат

• 13-февралдан 17-февралга чейин жүргүзүлгөн операциялар боюнча өз ара эсептешүүлөр 18-февралда жүргүзүлөт.

Аралыктан тейлөө кызматтарынын иштөөсү

• Мобилдик тиркеме жана интернет-банкинг штаттык режимде иштейт.
• Банкоматтар аркылуу накталай акча алуу жана POS-терминалдар аркылуу товарлар жана кызматтар үчүн төлөмдөр чектөөсүз жеткиликтүү болот.
• Юридикалык жактар үчүн интернет-банкинг аркылуу эмгек акыны чегерүү операциясы убактылуу жеткиликсиз болот.

Кардарларыбызды операцияларын алдын ала пландаштырууга чакырабыз.