Акция Мудараба
Мудараба депозиттерин ачкан кардарлардын арасында «Айыл Банк» ААКсынын дем берүүчү кампаниясынын расмий эрежелери.
«Айыл Банк» ААКсынын кардарлары үчүн дем берүүчү акциянын өзгөчө аталышы – «Мудараба депозитин ачып Умрага жолдомо ал» (мындан ары - Акция).
Акциянын адилет өтүшүн камсыз кылуу үчүн Кардарлар эки топко бөлүнөт:
Биринчи топ – төмөнкү филиалдардын кардарлары:
- Башкы кеңсенин Кардарларды тейлөө башкармалыгы
- Бишкек;
- Аламүдүн;
- Айыл Банк-Борбор;
- Бишкек - Мээрим;
- VIP;
- Борбор;
- Ош;
- Ош – Датка.
Экинчи топ - Банктын башка филиалдарынын кардарлары.
Акцияны өткөрүү мөөнөтү:
Акция эки этапта жүргүзүлөт:
- Биринчи Этап (биринчи топко – Умрага 2 жолдомо жана экинчи топко – Умрага 2 жолдомо) - 2025-жылдын 1-апрелинен 30-июнуна чейин (аны кошо алганда);
- Экинчи Этап (биринчи топко - Умрага 1 жолдомо жана экинчи топко - Умрага 1 жолдомо) - 2025-жылдын 1-июлунан 19-декабрына чейин (аны кошо алганда).
Акция өткөрүлүүчү жер:
Акция өткөрүүлүүчү жер болуп, Кыргыз Республикасынын аймагында жайгашкан Банктын кардарларды тейлөө пункттары саналат.
Акциянын катышуучулары:
Акциянын жүрүшүндө бир же бир нече Мудараба депозиттерин ачкан Банктын Кардарлары акциянын катышуучусу болуп саналышат:
- биринчи топ үчүн - 5 000 000 (беш миллион) сом жана андан жогору суммада же депозит ачылган күнгө карата Улуттук банктын курсу боюнча чет өлкө валютасындагы эквиваленттүү суммада, бир жылдан кем эмес мөөнөткө (бир жылды кошо алганда).
- экинчи топ үчүн - 2 000 000 (Эки миллион) сом жана андан жогору суммада же депозит ачылган күнгө карата Улуттук банктын курсу боюнча чет өлкө валютасындагы эквиваленттүү суммада, бир жылдан кем эмес мөөнөткө.
Акцияга юридикалык жактар каралган “Мудараба-Ишкер” депозитин кошпогондо, Акцияны өткөрүү учурунда колдонууда турган Мудараба депозиттеринин бардык түрлөрү катышат.
Жеңүүчүнү аныктоо шарттары.
Акциянын биринчи баскычында жеңүүчүлөрдү аныктоо критерийлери:
- Биринчи топко – Акция шарттарына ылайык Мудараба депозитин ачуу тартиби боюнча 23 (жыйырма үчүнчү) болуп ачкан кардарга жана 40 (кыркынчы) болуп ачкан кардарга – Умрага 2 (эки) жолдомо;
- Экинчи топко – Акция шарттарына ылайык, Мудараба депозитин ачуу тартиби боюнча 23 (жыйырма үчүнчү) болуп ачкан кардарга жана 40 (кыркынчы) болуп ачкан кардарга - Умрага 2 (эки) жолдомо;
Акциянын экинчи баскычында жеңүүчүлөрдү аныктоо критерийлери:
- Биринчи топко - Акциянын шарттарына ылайык, Мудараба депозитин ачуу тартиби боюнча 40 (кыркынчы) болуп ачкан кардарга - Умрага 1 (бир) жолдомо;
- Экинчи топко - Акциянын шарттарына ылайык, Мудараба депозитин ачуу тартиби боюнча 40 (кыркынчы) болуп ачкан кардарга - Умрага 1 (бир) жолдомо;
Акциянын белектери:
Акциянын бардык мезгилинде Умрага 6 билет ойнотулат.
Жеңишке жетишкен кардарлар:
- биринчи баскычта жеңишке жетишкендер сертификатты 2025-жылдын 1-октябрынан 2025-жылдын 14-декабрына чейинки аралыкта колдоно алышат, бул убакыт аралыгында кардардын депозити мөөнөтүнөн мурда токтотулбоого тийиш, башкача айтканда, депозит колдонууда туруусу зарыл. Эгерде жеңүүчү сертификатты жогоруда көрсөтүлгөн мөөнөттө колдоно албаса, анда ал сертификатты 2026-жылдын 10-июлунан 2026-жылдын 14-декабрына чейин колдоно алат;
- экинчи баскычта жеңишке жетишкендер сертификатты 2026-жылдын 10-июлунан 2026-жылдын 14-декабрына чейинки аралыкта колдоно алышат. Бул убакыт аралыгында кардардын депозити мөөнөтүнөн мурда токтотулбоого тийиш, башкача айтканда, депозит колдонууда туруусу зарыл.